Ngā Pātai Auau
Mā wai a Whakataetae ā-Ipurangi?
He mea koreutu a Whakataetae ā-Ipurangi mā ngā ākonga katoa Tau 6–13, i Aotearoa.
He aha e whai wāhi atu ai ngā ākonga ki Whakataetae ā-Ipurangi?
Ā muri i te whai wāhi a ngā ākonga ki te Whakataetae ā-Ipurangi ka:
whakapiki i ō rātou mōhiotanga ki te tiaki i ā rātou mōhiohio whaiaro
mōhio me pēhea te waihanga kupuhipa kaha
mōhio me pēhea te arotake i ngā īmēra, karere pātuhi hoki hei whakaheke i te tūpono ka pāngia ki ngā tāware
- mārama ka aha rātou mēnā ka whiwhi rātou i te īmēra tāware, karere tāware rānei.
Mō āwhea ngā ākonga e mahi ai i a Whakataetae ā-Ipurangi?
E taunaki ana mātou kia whai wāhi atu ngā ākonga ki te Whakataetae ā-Ipurangi i a rātou i te kura, i ngā hāora ā-kura. He pai te whakataetae hei mahi takitahi, hei mahi ā-akomanga rānei.
Ka pēhea ngā ākonga e whai wāhi atu ai ki Whakataetae ā-Ipurangi?
Ka rua wiki te roa o te wāhanga tuatahi o Whakataetae ā-Ipurangi 2023, hei te 27 o Pēpuere, 2023 tīmata ai.
Mō āwhea ngā ākonga me ngā ākonga e whiwhi ai i ngā otinga?
Ka kitea ngā otinga mō ngā ākonga e ngā kaiako ki ō rātou papatohu kia kotahi wiki ā muri i te whakakapinga o Whakataetae ā-Ipurangi. Ka kitea hoki e ngā ākonga i taua wā tonu. Ka whiwhi pūrongo hoki ngā kura e whakamārama ana i ngā otinga mō ō rātou kura, me ētahi kupu akiaki hei āwhina i a rātou ki te whakapiki i te mataaratanga o te kura ki te haumaru ā-ipurangi
Ka ahatia i te whakakapinga o Whakataetae ā-Ipurangi?
Ka oti te whakataetae, e kore e wātea anō a Whakataetae ā-Ipurangi ki ngā kaiako me ngā ākonga.
He utu mō te whakataetae nei?
Nā runga i te pūtea tautoko a ō mātou rangapū, he mea koreutu a Whakataetae ā-Ipurangi mō ngā ākonga Tau 6–13 i Aotearoa.
Ka whakawhiwhia he paraihe?
Ka whiwhi tohu ngā ākonga katoa e whai wāhi atu ai ki Whakataetae ā-Ipurangi e whakaatu ana i ā rātou whakatutukitanga.
He pārongo mā ngā kaiako
Me pēhea aku ākonga e takatū?
Ehara i te mea me takatū ngā ākonga mō Whakataetae ā-Ipurangi. He pai mēnā he whānui te mōhiotanga o ngā ākonga ki te noho haumarū ā-ipurangi. He mea wero mā ngā ākonga ko ngā pātai whakamutunga o Whakataetae ā-Ipurangi. He whakamāramatanga, he tīwhiri hoki ā ngā rapanga.
Me mōhio ngā ākonga ki te haumaru ā-ipurangi kia whai wāhi atu ai rātou?
Ehara i te mea me mārama ngā ākonga ki te haumaru ā-ipurangi kia whai wāhi atu ai ki Whakataetae ā-Ipurangi.
Ka uru takitahi, takirōpū rānei ngā ākonga?
Kia rēhita ngā ākonga ki grokacademy.org ka whai wāhi rātou ki Whakataetae ā-Ipurangi. Ko tā mātou he akiaki i a rātou ki te matapaki i ā rātou whakautu me ō rātou hoa i tētahi rōpū hei te whiwhinga o ā rātou otinga, urupare hoki.
Me pēhea ngā ākonga e ako tonu ai ā muri i Whakataetae ā-Ipurangi?
Ka whakarite mātou i ētahi atu whakataetae haumaru ā-ipurangi, hei mahi mā ngā ākonga, hei te tau 2023
Me pēhea ngā kaiako e rēhita i ā rātou ākonga?
Me titiro ngā kaiako ki ā rātou
papatohu kaiako kia rēhitatia ngā ākonga ki te whakataetae e tika ana mō ō rātou taumata tau.
