English

E mahi tahi ana me:

He mea tautoko e:

< Hoki ake ki runga

Tēnā koutou katoa. He rauemi ā-tā, tuihono hoki ā Pūkenga ā-Ipurangi Aotearoa e whakarato ana i ngā ngohe me ngā wero mā ngā kaiako me ngā ākonga hei whakawhanake i ngā pūkenga me ngā waiaro haumaru ā-ipurangi o ngā ākonga.

E hāngai ana ngā ngohe me ngā wero ki te wāhanga ako Hangarau, ā, he mea koreutu mā ngā ākonga tau 6–13 i Aotearoa. Kei te wātea ngā rauemi katoa i te reo Māori me te reo Ingarihi.

Kua whanakehia tahitia ngā ngohe me ngā wero e Grok Academy, Tātai Aho Rau CORE Education, Te Kāwanatanga o Aotearoa, me te ahumahi.

< Hoki ake ki runga

Te Hōtaka Pūkenga ā-Ipurangi Aotearoa

E hāngai ana ngā ngohe me ngā wero ki te wāhanga ako Hangarau, ā, he mea whakapiki i te tūoho ki ngā rapuara haumaru ā-ipurangi.

Kei te aro te akoranga tuatahi o te hōtaka Pūkenga ā-Ipurangi Aotearoa ki ngā kaupapa e whai ake nei e pā ana ki te whakamaru mōhiohio:

Te tuari mōhiohio mā ngā pāhopori (Tau 6–13)
Ngā kupuhipa (Tau 6–13)
Te hītinihanga me ngā tāware (Tau 9–13)
Te motuhēhēnga āhuatanga maha (Tau 9–13)

E whai ake nei ko te katoa o ngā akoranga o te hōtaka Pūkenga ā-Ipurangi Aotearoa:

Te akoranga whakamaru mōhiohio (ka tū hei te wāhanga 2, 2023)
Te Whakamaru Taupānga ā-Ipurangi (ka tū hei te wāhanga 3, 2023)
Tuhimuna (ka tū hei te wāhanga 1, 2024)

Me ngā whakataetae:

Whakataetae ā-Ipurangi (Ngā wāhanga 1 me te 4, 2023)

< Hoki ake ki runga

Te akoranga whakamaru mōhiohio (9–13)

He akoranga mā ngā ākonga i ngā tau 9–13, tae ana ki te tuari whaitake, te whakahaumaru kupuhipa, te whakamahi anō i ngā kupuhipa me te motuhēhēnga āhuatanga maha (MFA), ngā hītinihanga me ngā tāware.

I mahi tahi mātou ko Tātai Aho Rau Core Education ki te whakarohe i te kiko kia hāngai tūturu ki ngā ākonga i Aotearoa, ā, kua whakaaengia e Te Tāhuhu o te Mātauranga.

E wātea ana ināianei!

< Hoki ake ki runga

Whakataetae ā-Ipurangi

Whakataetae ā-Ipurangi He mea koreutu a Whakataetae ā-Ipurangi mō ngā ākonga Tau 6–13. Hei te rā 27 o Pēpuere ka tīmata, ā, ka whā wiki te roa. Ka taki a Whakataetae ā-Ipurangi i ngā rapanga hei whakaoti mā te whakamahi i te mōhiotanga haumaru ā-ipurangi, pūkenga haumaru ā-ipurangi hoki.

Ā muri i te whai wāhi ki te Whakataetae ā-Ipurangi ka whakapiki ake te māramatanga a ngā ākonga ki:

ngā painga o te whakamaru i ā rātou mōhiohio whaiaro.
te waihanga kupuhipa kaha
te aromātai i ngā īmēra me ngā karere pātuhi kia iti iho te tūpono ka tāwaretia rātou
tā rātou e mahi ai ina whiwhi īmēra tāware, karere tāware rānei.

< Hoki ake ki runga

He rauemi akomanga ā-ipurangi

Pānui whakaahua - He pēhea te kaha o āu kupuhipa? Tīkina ake tēnei pānui whakaahua hei whakaako i ngā ākonga kia waihanga kupuhipa kaha.

English Māori

Pānui whakaahua - He tika, he teka rānei? Tīkina ake tēnei pānui whakaahua hei āwhina i ngā ākonga kia tautohu rātou i tētahi tāware ā-ipurangi.

English Māori

Pūkei kāri - Kēmu kāri ā-ipurangi - Tonoa mai he pūkei kāri ā-ipurangi koreutu mā te akomanga hei matapaki tikanga haumaru ā-ipurangi i tō akomanga. Kotahi te pūkei mā ia kaiako. Mā ngā kaiako o Aotearoa anake.

English Māori

He puka pārongo Tīkina ake, tuaritia hoki tēnei puka mō te hōtaka Pūkenga ā-Ipurangi Aotearoa.

Māori/English

< Hoki ake ki runga

Video resources

Content

Pāwhirihia i konei mō ngā tuhinga nā te ataata.

Ki te kuhu tātou ki te ipurangi, ka pāhekoheko ki te tini tāngata me ngā pūnaha maha.

Ka tuku kau noa i ngā pūrongo mō tātou anō; e aha ana tātou? e haere ana ki hea? tae atu hoki ki ō tātou anō whakaaro.

Ka rite tonu te pāwhiri i ngā hononga ko te waihanga raraunga whaitake mō te tangata te hua.

He mea tuku ngā raraunga nei ki ngā rorohiko ki reira puritia ai, ā, ka tātarihia e ngā taupānga rorohiko.

Kua rongo koutou i te kīanga “marutau ā-ipurangi” ināianei ka kōrerohia te “haumaru ā-ipurangi”.

Me rite te whakamaru i ā tātou raraunga ki tā tātou whakamaru pūtea.

I tēnei wero, ka tūhuratia ngā tukanga ipurangi me ngā mahi ka tūpono raru ā tātou raraunga.

E hiahia ana mātou ki te tuari i ō mātou mōhiotanga ki te whakaatu ki a koutou ngā āhuatanga e haumaru a i a koe i te ipurangi.

Ngarue Ratapu, Kaiwhakahaere Whakaū Taihara Ahumoni, BNZ. (Mātakihia: E whai tikanga ana ō raraunga)

Pāwhirihia i konei mō ngā tuhinga nā te ataata.

Ka noho haumaru i te nuinga o te wā ō pūkete ipurangi mā ngā kupuhipa.

He tauira te kupuhipa o te motuhēhēnga ka whakamahia tō kupuhipa kia manaakitia te toro ki ō raraunga ā-ipurangi.

Ko ngā kupuhipa pai ko ngā mea he māmā te maumahara, he uaua hoki te whakapae e tangata kē.

Mēnā he māmā te whakapae i tō kupuhipa, kāore i te haumaru.

Ehara ngā ingoa mōkai, ngā kupu e auau ana te puta, me ngā memerangi i te kupuhipa pai.

He mōhio nō te tokomaha tāngata ki ēnei pārongo.

Me kōrero tātou mō ngā nama tautohu whaiaro arā PIN

He tekau mano ngā momo PIN whā tau ka taea.

Tērā pea he nui tērā tatau ki te tangata, heoi anō he māmā noa iho ki te rorohiko.

Ka taea e te papatono rorohiko te miriona momo kupuhipa māmā kupuhipa poto te raweke i ētahi hēkona noa iho.

Ki te roa te kupuhipa, ka roa ake te wā rapu a te rorohiko i ngā momo huinga reta, tau, me ngā tohu ka taea Nō reira, mā te aha e pai ai te kupuhipa?

Me mātua; mōhio ko koe anake, ehara i te kupu māori, roa tonu kia kore ai e māmā te wetewete a ngā hātepe.

Sam Poananga, Kaiwhakahaere Āheinga, Matihiko BNZ. (Mātakihia: Te motuhēhēnga me ngā kupuhipa)

Pāwhirihia i konei mō ngā tuhinga nā te ataata.

Mahi ai ē ētahi tāngata ngā kīangahipa i ngā pūkete e hia.

Engari he mahi tino mōrearea tēnei.

Te raweke rarauranga - e kitea whānuitia ana te tāhaenga i ngā rarauranga a tētahi rōpū.

He nui ngā raraunga kua tāhaetia e mau ana i ngā tukiuru me ngā kīangahipa.

He mahi māmā mā te tangata mūrere te waihanga papatono rorohiko hei whakamātau i ngā huinga takiuru īmērā kīangahipa hoki ki ētahi atu ratonga ā-ipurangi.

E kore e roa ka rokohina e rātou.

He aha te pānga ki a koe?

Ki te whakamahi anō koe i tō kīangahipa ki wāhi kē, e kore ērā pūkete e haumaru.

He mea whakahirahira tēnei mō ngā paetukutuku e mau nā ō mōhioranga mōu ake, pūtea rānei.

Me āta kite koe mehemea ka rerekē ngā kīangahipa e whakamahia ana e ngā paetukutuku rā.

Ki te raruraru koe ā, ka mau ō raraunga ka rawekehia, me kuhu koe ki tō pūkete kia tere rawa te panoni i tō kīanga hipa.

Ko tētahi arā māmā mōu kia mau ai ētahi kīangahipa.

Ko te whakamahi i te kaiwhakahaere kupuhipa.

He papatono ēnei hei whakaputu i ō kīangahipa katoa ki raro i tētahi kīangahipa matua. I konei ka kotahi anake te kīangahipa tino kaha hei maumahara māu.

Ngarue Ratapu, Kaiwhakahaere Whakaū Taihara Ahumoni, BNZ. (Mātakihia: Te whakamahi anō i te kupuhipa)

Pāwhirihia i konei mō ngā tuhinga nā te ataata.

Ko te tāwaretanga auau rawa, ko te hītinihanga.

I konei ka tāhaengia e ngā tāngata mūrere ō raraunga whaiaro.

Ka taea e ngā tāngata mūrere te tiki ō tino pūkete pēnei i te pūtea pēke, te īmēra me ngā pae pāpori.

Ka whakatuwheratia ō pūkete pēke, ka rawekehia tō kāri raraunga whaiaro, arā te SIM, ka hoko taonga nui te utu, kei tāhaehia ō pūtea moni.

Hei ētahi tāngata mūrere, ka tāwhai i a koe hei hītinihanga i ō hoa.

He mea nui tō tuakiritanga.

Engari kei te pai nō te mea he āhua rite ngā mea hei mataara māu, hītinihanga mai, tāwaretanga mai.

Mataara ai tātou ki ngā haki whero, ā e mataara tonu ana tātou ki ngā pūtake tauhou me ngā hoahoatanga whanokē.

Kua nui ngā hītinihanga ināianei, ka tino whakararuraru i te tangata.

Nō reira he mea whakahirahira ngā pūkenga kite, karo hoki i ēnei tāwaretanga.

Jo McNaughton, Upoko o te Rautaki Hoamahi Māori BNZ. (Mātakihia: He mea nui tō tuakiri)

Pāwhirihia i konei mō ngā tuhinga nā te ataata.

Ka taea e ngā tāngata mūrere ngā pūkete a ō hoa me tō whānau te raweke, ā, ka tāwarehia koe, kei whirinaki i tō ngākau pono.

Kia hītinihangahia tētahi o ō hoa, tēnā pēa ka tuku rātou i ētahi mea pōrearea ki a koe, ā, ka mōreareatia ko koe.

Tērā pea ka whakataruna rātou kia hanga kamupene te rite, ko Poutāpeta NZ pea ngā kamupene e kore rawa koe e wehi.

Engari, e kore rawa ēnei kamupene e pātai mō ō pārongo whaiaro mā ngā karere, ngā īmēra me ngā paetukutuku matapōkere.

E mea ana tēnei i ētahi wā ka tūpono puta ngā karere i ētahi puna mana tonu, engari he tāware!

Ki te tuku tō hoa he tono rerekē pēnei i te tono moni nui, i ō pārongo takiuru, i ō pārongo whaiaro rānei, ā, he kōhukihuki te āhua o te tono rā, tēnā pea he tāw.

Me kōrero ā-kanohi atu ki a rātou, ki te kore e taea te pērā, kōrero mā tētahi taupānga kē, kia kitea mēnā rānei nā tō hoa mārika te tono.

Ki te kore e tika te rongo i tō puku, me āta whakaaro i mua i te koke!

Jo McNaughton, Upoko o te Rautaki Hoamahi Māori BNZ. (Mātakihia: Ngā puna kōrero pono)

Career

Pāwhirihia i konei mō ngā tuhinga nā te ataata.

Tēnā koutou katoa.

Ko Ngarue Ratapu tōku ingoa, he uri ahau no Te Arawa waka, no Ngāti Porou me Rongowhakaata hoki.

I tipu ake au ki Rotorua ēngari kei te Whanganui a Tara ahau e noho ana.

Hello everyone.

My name is Ngarue Ratapu, I am a descendant of the Te Arawa canoe and the iwi Ngāti Porou and Rongowhakaata.

I grew up in Rotorua but now live in Wellington.

As a Financial Crime Risk manager at BNZ I help BNZ to follow all of the rules when it comes to financial crime legislation and obligations.

I do this by setting and reviewing policy and monitoring other teams to ensure they are being followed.

Our vision is to create a bank that allows legitimate business to prosper while detecting and reporting illegal activity to law enforcement.

Mauriora!

Ngarue Ratapu, Kaiwhakahaere Whakaū Taihara Ahumoni, BNZ.

Pāwhirihia i konei mō ngā tuhinga nā te ataata.

Kia ora koutou.

No te waka o Tainui au, no te waka o Nukutaimemeha hoki.

Ko Ngāti Maniapoto, Ko Ngāti Maru, ko Ngāti Porou ngā iwi Ko Sam Poananga tōku ingoa.

He Kaiwhakaāhei Kaupapa ahau ki te tīma hangarau o te Peke o Aotearoa.

Ko ta mātou whakakitenga he tauawhi kia tū te onamata mata hiko o te Pēke o Aotearoa.

E āta ana mātou ki te hanga ahurea tūhono ka pakari i ngā kaimahi mo āpōpō ka hiki i ngā pūkenga ka tautoko hoki i ta mātou rautaki hangarau whakakitenga hoki.

Sam Poananga, Kaiwhakahaere Āheinga, Matihiko BNZ

Pāwhirihia i konei mō ngā tuhinga nā te ataata.

Tēnā koutou!

Ko Jo ahau, no Te Arawa ahau.

Ko au te Pouārahi Rautaki Hoa Mahi Māori ki te Pēke o Aotearoa.

Ko te iho o taku mahi kia tū a BNZ hei wāhi mahi e hiahiatia ana e tātou, e te iwi Māori.

He maha ngā hua ka puta ki te mahi tātou i te ao whare pūtea.

Ka taea e mātou te whakahoki pūkenga, te whakahoki mātauranga rānei ki o tātou iwi.

Ka taea hoki e mātou te whakapai anō i ngā ratonga mā o tātou whānau, hapū, iwi, aha atu, aha atu.

Tēnā, nau mai, haramai ki te mahi i roto i tēnei rāngai kia pakeke mai koutou, kia rite mai koutou.

Jo McNaughton, Upoko o te Rautaki Hoamahi Māori BNZ.

Pāwhirihia i konei mō ngā tuhinga nā te ataata.

Tēnā koutou katoa.

No te Tairāwhiti ahau.

He mokpuna no Te Aitanga-a-Hauiti, Rongowhakaata, Ngāitāmanuhiri, Ngāti Kahungunu me Ngāitahu.

I tipu ake au i te taha o tōku kuia ki Uawa, ko Anita tōku ingoa.

He kaiārahi au o te pēke o ASB i te tari hangarau pūkaha kapua, hangarau matahiko anō hoki.

E whā ngā tīma i raro i aku parirau.

E maha a mātou mahi ki te whakarite te huarahi ki te kapua me te whakarite me te whakapai hangarau; ngā taupānga, rorohiko, kupuhipa, me te haumarutanga o ngā mea katoa.

Ko te mea nui ki a mātou me haumaru te katoa o ngā kaimahi o ngā taupānga hoki.

Anita Cooper, Upoko Wāhanga, Aheinga Kapua Tikanga Pūhanga ASB.

< Hoki ake ki runga

In partnership with:

Supported by:

< Hoki ake ki runga